booked.net
19.01.2020
12:16

«Դաշնակցության ահաբեկչական անցյալը ոչ մի դեպքում չի նշանակում, որ այս կուսակցության ներսում չեն եղել և չկան պատվելի հայրենասերներ և ազգի նվիրյալներ» . Արման Բաբաջանյան

ԱԺ պատգամաոր Արման Բաբաջանյանը անդրադարձել է ՀՅԴ կողմից իրեն դատի տալուն .

«Ովքեր դույզն-ինչ չափով ծանոթ են Հայ Յեղափոխական դաշնակցության Հայաստանի անկախության առաջին տարիների գործունեությանը կհիշեն հայաստանյան մամուլում հրապարակված հազարավոր փաստական նյութերին, որոնք վերաբերում էին Դաշնակցության կողմից ստեղծված Դրո ռազմականացված ահաբեկչական կառույցին։ Չնայած պատանեկան տարիքիս, այս և այլ ահաբեկչական ակտերի մասին նյութերը մշտապես եղել են իմ ուշադրության առարկան։

Մինչև իմ դեմ դատական հայց ներկայացնելը ՀՅ Դաշնակցության հարգելի գործընկերները պետք է առնվազն հիշեին, որ 2006-2009թթ․ իմ անազատության մեջ գտնվելու տարիներին Նուբարաշեն ՔԿՀ-ում մտերմացել և ընկերացել եմ դաշնակցության՝ ահաբեկչական գործերով ցմահ ազատազրկման դատապարտված մի շարք անձանց հետ։

Թե ինչեր են պատմել նորանկախ Հայաստանի առաջին տարիների ՀՅ Դաշնակցության գործունեության, ահաբեկչական ակտերի, կատարած սպանությունների մասին ինձ դատի տված շատ հարգելի դաշնակցականների՝ 90-ականներից ազատազրկման մեջ գտնվող կուսակից ընկերները, չեմ պատրաստվում առայժմ հանրայնացնել, բայց թողնում եմ, իհարկե, բոլոր դաշնակցականների խղճին։

Այն ժամանակ, երբ Հայաստանը անհավասար պատերազմի մեջ էր Ադրբեջանի հետ, դուք երկրի ներսում զբաղված էիք ձեր քաղաքական հակառակորդներին սպանելով և ոչնչացնելով։ Դուք երկար ժամանակ չէիք զանազանում իրական քաղաքականությունը ահաբեկչությունից։

Սա իմիջիայլոց․․․

բայց իհարկե կհանդիպենք դատարանում․․․

Հ․Գ․ Դաշնակցության ահաբեկչական անցյալը ոչ մի դեպքում չի նշանակում, որ այս կուսակցության ներսում չեն եղել և չկան պատվելի հայրենասերներ և ազգի նվիրյալներ։ Նրանք կան և վստահ եմ, որ հենց նրանց շնորհիվ է այս կուսակցությունը վերագտնելու իր դերն ու նշանակությունը հայրենիքում, և սփյուռքում։»

Գտեք մեզ Facebook-ում

Գտեք մեզ Twitter-ում