booked.net
02.07.2020
13:29

Մի կերպ գոյատևող հանրային սննդի ընկերությունների համար նման կատեգորիկ կոչը մահվան դատավճռի է . Ռեստորանների հայկական միությունը՝ Արսեն Թորոսյանին

Ռեստորանների հայկական միությունն անդրադարձել է ՀՀ առողջապահության նախարարի այսօրվա հայտարարությանը, որում նա կոչ էր արել «դադարեցնել սրճարան-ռեստորանային այցելությունները»:

Հայտարարության մեջ մասնավորապես ասվում է. «Այսօր ՀՀ Առողջապահության նախարար Արսեն Թորոսյանը կոչ արեց դադարեցնել «սրճարան-ռեստորանային այցելությունները»։ Կառավարության անդամի մակարդակով նման կատեգորիկ հայտարարությունը լրջորեն մտահոգում է մեր ոլորտի ներկայացուցիչներին։ Հանրային սննդի ձեռնարկությունները գործում են պարետատան կողմից մշակված հակահամաճարակային կանոնների խստիվ պահպանման պայմաններում, իսկ չպահպանողների նկատմամբ կա կանխարգելիչ միջոցառումների լայն գործիքակազմ, որը մինչ այսօր խստորեն կիրառվել է։

Վաճառքների բազմապատիկ անկման պայմաններում մի կերպ գոյատևող հանրային սննդի ընկերությունների համար նման կատեգորիկ կոչը մահվան դատավճռի է նման՝ ոլորտում ներգրավված տասնյակ հազարավոր մարդկանց համար աշխատանքի կորստի անխուսափելի հետևանքներով։Կոչ ենք անում ՀՀ կառավարության համապատասխան մարմիններին շտապ քննարկում սկսել մեր ոլորտի ներկայացուցիչների հետ՝ ստեղծված իրավիճակից դուրս գալու ելքեր գտնելու շուրջ»։

Հիշեցնենք , որ այսօր ՀՀ առողղջապահության նախարար Արսեն Թորոսյանը կոչ է արել դադարեցնել սրճարան , ռեստորան այցելությունները հորդորելով դիմել գիտակցված լոքդաունի՝ պարտադրվածի փոխարեն:

Գտեք մեզ Facebook-ում

Գտեք մեզ Twitter-ում